მოიღე ზეთი ზეთთაგან (ზეთისხილისგან) (20) სასანთლის ასანთებად. ამით გამოიხატება ჯვარცმულის სწავლება: ყველა სხვა ზეთი, რომელიც ზეთისხილისგან არ არის, აღნიშნავს უცხო სწავლებას. ხოლო ის, რომ (21) ანთებდენ მას აჰრონ და ძენი მისნი კრეტსაბმელს გარეთ მწუხრითგან ვიდრე განთიადადმდე, აღნიშნავს ისრაელის მღვდლებს, რომელნიც მსხვერპლს სწირავდნენ ქრისტეს ეკლესიის გარეთ; აგრეთვე - წინასწარმეტყველებს, რომლებიც სიმართლის მზის გამოჩენამდე ცხოვრობდნენ, რადგან, როდესაც უფლის მოსვლისას გამობრწყინდა დილა, მაშინ შეწყდა სასანთლეების მსახურება. (ქრისტეს ერთ-ერთი ეპითეტია „მზე სიმართლისა“ იხ. მალაქია 4:20. ნათლის მიერ კი ბნელის გაფანტვაზე საუბრობს პავლე მოციქული იხ.რომ. 13:12).

ხოლო ნათქვამი: კრავი ერთი ჰყო ცისკრად და კრავი მეორე ჰყო მიმწუხრი (გამოს. 29:39), მიუთითებს ჩვენთვის დაკლულ ღვთის კრავზე, და კიდევ: დილით დაკლული კრავი აღნიშნავს მართლებს, ხოლო საღამოს კი იმ მონანულ ცოდვილებს, რომელთათვისაც ქრისტე მოკვდა.

ასევე, ღმერთმა უთხრა მოსეს მირონის შემადგენლობაზე: და შენ მოიხუენ სულნელნი საუკეთესო: სუფთა მური და დარიჩინი, კასია და ზეთისხილის ზეთი (გამოს. 30:23-24). სურნელის ეს ოთხი სახეობა ოთხ სტიქიას აღნიშნავს, რომელთაგანაც სიტყვა – ღმერთის სხეული შეიქმნა.

წინა - სარჩევი - შემდეგი