ანსამბლ ერისიონის კონცერტი 2002 წელს პარიზში.

ერისიონი — ქართული ხალხური სიმღერისა და ცეკვის სახელმწიფო აკადემიური ანსამბლი.

ანსამბლი დაარსდა 1885 წელს, როგორც საქართველოს სიმღერისა და ცეკვის სახელმწიფო აკადემიური ანსამბლი, ხოლო „ერისიონი“ 1999 წელს ეწოდა.
NASA–ს მიერ 1977 წელს კოსმოსში გაგზავნილი „ჩაკრულო“ „ერისიონის“ წევრების მიერ არის შესრულებული.

1986 წლიდან ანსამბლის სამხატვრო ხელმძღვანელი იყო საქართველოს სახალხო არტისტი, სახელმწიფო და რუსთაველის პრემიების ლაურეატი ჯემალ ჭკუასელი.
სამხატვრო ხელმძღვანელი — შერმანდი ჭკუასელი (2015 წლიდან)
მთავარი ქორეოგრაფი — ეკა ჭკუასელი (2016 წლიდან)

1999 წელს ანსამბლი თბილისში მუშაობდა ჯიმ ლოუსთან და პასკალ ჯორდანთან ერთად. 2000 წელს შოუ-პროგრამა „ლეგენდა თამარზე“ აშშ-ში ჩატარდა, 2001 წლიდან კი პარიზში ტარდებოდა პროგრამა „Georgian Legend“. პროგრამა ასევე ჩატარდა ევროპის სხვა ქვეყნებში, მოგვიანებით კი რუსეთში, ჩინეთში და სხვა ქვეყნებში. ორივე პროგრამაზე ადგილობრივმა მედიასაშუალებებმა დადებითი რეცენზიები გამოაქვეყნეს, მათ შორის – New York Post და Los Angeles Times.

2002 წელს პარიზში „ერისიონს“ გადაეცა ოქროს დისკი.
2010 წელს ფილარმონიის დიდი საკონცერტო დარბაზის წინ ანსამბლის ვარსკვლავი გაიხსნა.
2019 წელს ანსამბლმა მონაწილეობა მიიღო CCTV-ის შემოდგომის გალა-ფესტივალში.