ტროპარი, ხმა 4: სამღვდელო მსახურებითა და სარწმუნოების აღსარებითა ქრისტეს ეკლესია განამტკიცე, და მოწამებრივი სისხლითა საკურთხეველი განწმიდე. ტანჯვათა შინა ურყევად მდგომარე, ღირსმოწამე ხუცესო კარტერ, ევედრე ქრისტეს ღმერთსა სულთა ჩვენთა ცხონებასა.

კონდაკი, ხმა 3: მწყემსად კეთილად მწყობრი, ცხვართათვის სული დასდე და ქრისტეს მიჰბაძე. კერპთა ცთომა ამხილე და ჭეშმარიტება აღიარე, ხოლო სისხლითა შენითა ეკლესია განანათლე. ღირსმოწამე კარტერ, შუამდგომელ იყავ ჩვენთვის ზეციურ სამსჯავროზე.

წმიდა მოწამე კარტერი ხუცესად მსახურობდა კაბადოკიის კესარიაში იმპერატორ დიოკლეტიანეს დროს. მან უფლის სადიდებლად ააგო ტაძარი და დიდი მრევლიც შემოიკრიბა. როცა მისი მოღვაწეობის შესახებ ოლქის გამგებელს ამცნეს, ის მდევნელებს განერიდა, მაგრამ უფალი გამოეცხადა მას და უთხრა: „კარტერი, წადი და წარსდექი გამგებლის წინაშე – მე შენთან ვიქნები. მრავალი ტანჯვის დათმენა მოგიწევს ჩემი სახელისათვის. ბევრი განმტკიცდება და ცხონდება შენს მიერ.”

კარტერი გამოირჩეოდა:

სარწმუნოების სიწმინდითა და სიწრფელით;

მწყემსური მზრუნველობით თავისი სამწყსოს მიმართ;

უშიშარი ქადაგებით წარმართთა გარემოცვაში.

სიხარულით აღვსილმა წმიდანმა მადლობა შესწირა უფალს და ნებით ჩაბარდა მტარვალებს. ნეტარ მამას თავდაპირველად ჯოხებით სცემდნენ, შემდეგ კი ხეზე ჩამოკიდეს, ხელ-ფეხის ფრჩხილები დააძვრეს და რკინის კავებით უჯიჯგნეს სხეული. კარტერს უფლის ანგელოზი უმსუბუქებდა ტანჯვას. გახურებული რკინითაც დიდხანს აწამეს ქრისტეს მხნე აღმსარებელი, ბოლოს კი დილეგში ჩააგდეს. აქ წმიდანს თავად უფალი გამოეცხადა, განკურნა, ბორკილებისაგან გაანთავისუფლა და საპყრობილიდანაც გამოიყვანა. ამ სასწაულის მოწმე მრავალმა ადამიანმა ირწმუნა ჭეშმარიტი ღმერთი, ნათელიღო და განკურნა სნეულებათაგან.

უღმრთოებმა კვლავ შეიპყრეს კარტერი, სასტიკად აწამეს და ბოლოს მახვილით განგმირეს. იგი მოწამებრივად აღესრულა დაახლოებით სამასოთხ წელს, რითაც დაამოწმა: "რომ მღვდლობა არა მხოლოდ სიტყვით, არამედ სისხლით მსახურებაა, და რომ მწყემსი მზად უნდა იყოს „დადოს სული ცხვართათვის“.

ეკლესიამ იგი განადიდა, როგორც ღირსმოწამე ხუცესი, რომელმაც სამღვდელო მსახურება ქრისტესთვის თავგანწირვით აღასრულა.

„წმიდანთა ცხოვრება“, ტომი I, თბილისი, 2001 წ.

მოუსმინე: