ტროპარი: წამებულო ქრისტესო, ღირსო ვლასი, კესარიას შობილო და სარწმუნოებით განმტკიცებულო, გულის სიწმინდით შეუდექ ქრისტეს გზასა და ზეცად იპოვე თავისუფლება და სიხარული, ევედრე ღმერთსა, რათა აცხოვნოს სულნი ჩვენნი.
კონდაკი, ხმა 2: მოწამეთა შორის ბრწყინვალე ვარსკვლავო, ვლასი ჭირთამძლეო, ჭირთა შორის განდიდე ქრისტე და ხორცთა ტანჯვით სულიერად შეიმოსე ღვთის ძალა. ამისთვისცა აღზევებული ზეცის სასუფეველში მოუკლებლად ადიდებ ქრისტეს, რომელმან განგადიდა შენ, მარად ევედრე ღმერთსა ჩვენთვის.
წმიდა ვლასი კესარიელი – ვუკოლი – წარმოშობით კაბადუკიის კესარიიდან (მცირე აზია) იყო და მწყემსობით ირჩენდა თავს („ვუკოლი” ბერძნულად მწყემსს ნიშნავს).
როცა ქრისტიანთა დევნა დაიწყო, წმიდა ვლასი ნებით ჩაბარდა მტარვალებს. ის საშინლად აწამეს, ხარის ძარღვებით სცემეს, მდუღარე წყლით სავსე ქვაბში ჩააგდეს, მაგრამ ღვთის ნებით, წმიდანი უვნებლად დარჩა. ამ სასწაულის მხილველმა მეომრებმა ირწმუნეს ქრისტე. მმართველს უნდოდა შემოკრებილი ხალხი დაერწმუნებინა, რომ წყალი გაცივდა და ამიტომ ვერ ავნო უფლის რჩეულს, გონებადაკარგული ქვაბში გადაეშვა და მაშინვე აღესრულა.
წმიდა ვლასიმ მრავალი ადამიანი მოაქცია ქრისტეს სჯულზე და მშვიდობით მიიცვალა. მისი კომბალი მიწაში ჩაარჭვეს, მან ფესვები გაიდგა, უზარმაზარ ხედ იქცა და ტოტებით დაფარა იმ ტაძრის საკურთხეველი, რომელშიც მისი წმიდა ნაწილები იყო დასვენებული.
„წმიდანთა ცხოვრება“, ტომი I, თბილისი, 2001 წ.
მთავარი
ლოცვანი
ფსალმუნნი
ახალი აღთქმა
ძველი აღთქმა
დაუჯდომლები
პარაკლისები
განმარტებები
სხვადასხვა თემები
წიგნის შესახებ
