წმიდა მიტროპოლიტი
ფილარეტ მოსკოველი

ათი მცნების განმარტება

თავი მეექვსე
მესამე მცნების შესახებ

არა მოიღო სახელი უფლისა ღმრთისა შენისა ამაოსა ზედა, რამეთუ არა წმიდა-ყოს უფალმან მომღებელი სახელისა მისისაჲ ამაოსა ზედა“
(გამოსვლ. 20:7).

კითხვა: როდის წარმოითქმის ამაოდ ღვთის სახელი?

პასუხი: ამაოდ, ანუ ტყუილუბრალოდ იგი წარმოითქმის უსარგებლო და ფუჭი საუბრების დროს, მით უმეტეს, თუ ღმერთის სახელს სიცრუისთვის და ღვთისმოშიშების გარეშე ახსენებენ.

კითხვა: რა ცოდვები იკრძალება მესამე მცნებით?

პასუხი: 1. ღვთისმგმობელობა, ანუ უფლის მოხსენიება უხამსი სიტყვებით.

2. ღმერთზე დრტვინვა, ანუ მისი განგებულებით უკმაყოფილება.

3. მკრეხელობა, როდესაც წმიდა საგნებს დასცინიან ან შეურაცხყოფენ.

4. უყურადღებოდ ლოცვა.

5. ღვთისადმი მიცემული აღთქმების დარღვევა.

6. ფიცილი, ანუ ჩვეულებრივ საუბარში ფიცის დაუფიქრებლად გამოყენება.

წინა - სარჩევი - შემდეგი