რატომ ამბობენ უარს მართლმადიდებელი ქრისტეანები
ციფრულ იდენტიფიკაციაზე და მიკროჩიპიან ბიომეტრიულ დოკუმენტებზე?

2012 წლის 23 სექტემბერს უკრაინის უმაღლესმა რადამ მიიღო კანონი: "დოკუმენტების შესახებ, რომელიც ადასტურებს უკრაინის მოქალაქეობასა და პიროვნების ვინაობას" ("О документах, удостоверяющих личность и подтверждающих гражданство Украины"), რომელიც აუქმებს საშინაო ქაღალდის პასპორტებს და მათ ნაცვლად ელექტრონულ მოწმობებს - პლასტიკურ ID ბარათებს ამკვიდრებს.

ამ კანონის თანახმად, ახალი ნიმუშის ყველა დოკუმენტზე განთავსებული იქნება ელექტრონული მატარებელი - რადიოსიხშირული იდენტიფიკაციის ჩიპი (RFID-ჩიპი), რომლის სკანირება დისტანციურადაც არის შესაძლებელი. მასზე იწერება თქვენი ბიომეტრიული მონაცემები და საიდენტიფიკაციო ნომერი.

ამავე დროს, ეს ნომერი წარმოადგენს თქვენი ფაილ-დოსიეს რიგით ნომერსაც მთავარ საინფორმაციო სისტემაში. თქვენი სახელი, გვარი და მამის სახელი დღეს აღარავის აინტერესებს - ადამიანის იდენტიფიკაცია მისთვის მინიჭებული ნომრის მიხედვით მოხდება.

პერსონალურ მონაცემთა ეს ბაზა შეითავსებს ყოველგვარ კონფიდენციალურ და პერსონალურ ინფორმაციას თქვენს შესახებ, რომელიც თავმოყრილი იქნება ელექტრონულ ფაილ-დოსიეში: ყოველგვარი ნავაჭრი, კომუნალური გადასახადები, საბანკო ანგარიშები, კრედიტები, დეპოზიტები, ვალები, ჯანმრთელობის მონაცემები, საზოგადოებრივ ტრანსპორტში მგზავრობა და მგზავრობის მარშრუტებიც კი.

დგება დრო, როდესაც თქვენს ნებისმიერ ნაბიჯს გააკონტროლებენ ამ ბაზის მფლობელები. ID ბარათი - ეს არის ტოტალური კონტროლისა და თითოეული ადამიანის (მთლიანად კი საზოგადოების) მართვის საშუალება, რადგან მის გარეშე ადამიანებისთვის ამქვეყნიური სიკეთენი მიუწვდომელი იქნება. ეს არის ადამიანის ციფრული ნომრის მეშვეობით, მისი ავტომატური იდენტიფიკაციის იდეალური საშუალება. ის შესაძლებლობას იძლევა ადამიანის ნებართვის გარეშე მასზე განხორციელდეს ტოტალური თვალთვალი და შეიზღუდოს მისი თავისუფლება.

რა მოხდება თუ მივიღებთ ელექტრონულ ბარათს?

1. მთელი ჩვენი შემოსავლები და გასავლები გაკონტროლდება ამ ბაზის "ოპერატორების" მიერ (ამისთვის სადღეისოდ ყოველი სავაჭრო ობიექტი უნდა აღიჭურვოს სპეციალური ტერმინალებით, რომლებიც ინტერნეტის მეშვეობით ერთიან ბაზაში გადააგზავნიან მონაცემებს ყოველი ნავაჭრის შესახებ).

2. სპეციალური მოწყობილობის დახმარებით შესაძლებელი იქნება გაირკვეს ბარათის მფლობელის ადგილსამყოფელი დედამიწის ნებისმიერ წერტილში. ამ შესაძლებლობას უკვე ფლობენ უცხოეთის "კომპეტენტური ორგანოები", მათ შორის ევრო კავშირიც, რომელიც უკრაინისგან ჩიპიანი დოკუმენტების დანერგვას ითხოვს.

3. შესაძლებელი იქნება ჩვენი ყოველწამიერი გაკონტროლება არა მარტო ეროვნული, არამედ ევროკავშირისა და აშშ-ს ძალოვანი სტრუქტურების მიერ (პერსონალურ მონაცემთა საერთო ბაზა თავიდანვე ჩამოყალიბდა, როგორც შენგენის ზონის საინფორმაციო სისტემის (SIS) ელემენტი. ამგვარად, თქვენი პირადი მონაცემები შესაძლოა მისაწვდომი გახდეს ნებისმიერი საერთაშორისო ბოროტმოქმედისთვის, რომელსაც სისტემაზე ხელი მიუწვდება).

4. კონტროლის გარდა შესაძლებელი იქნება ჩვენი მართვაც. უკვე დღეს მრავალი საოფისე შენობა აღჭურვილია გამტარი სისტემებით, სადაც ჩიპიანი ბარათის გარეშე შეუძლებელია ლიფტის გამოძახებაც კი. ხოლო ID ბარათით მისაწვდომი იქნება მხოლოდ ის სართული ან შენობა, რომელიც უსაფრთხოების სამსაახურის მიერ იქნება ნებადართული.

5. ხელისუფალნი ადამიანებისგან თავს შემოიზღუდავენ "ელექტრონული მთავრობის" სისტემით. ჩინოვნიკთა ყოველი ურთიერთობა მოქალაქესთან ინტერნეტ-ტერმინალების დახმარებით განხორციელდება, რომელიც მოახდენს ადამიანის იდენტიფიცირებას ID ბარათის მეშვეობით.

6. რომელიმე თანამდებობის პირისთვის არასასურველი თუ იქნებით (დავუშვათ, ან პროტესტს აცხადებთ, ან კიდევ "არასწორი" შეხედულებები გაქვთ ხელისუფლებაზე), შეგიყვანენ "სტოპ-ლისტის ბაზაში", სადაც დაიბლოკება თქვენი ბარათი და გადაგიკეტავენ ნებისმიერ შესაძლებლობას რაიმე იყიდოთ ან ისარგებლოთ თქვენი საბანკო ანგარიშით!

7. უკრაინაში მთელი ეს მექანიზმი გაშვებულია მხოლოდ იმ მიზნით, რათა მთლიანად დაუმორჩილონ ქვეყანა და ყოველი მისი მოქალაქე ზენაციონალური ფინანსური კორპორაციის მსოფლიო ოლიგარქიულ სისტემას, რომელიც ფლობს ბანკებს და საერთაშორისო სავალუტო ფონდის კრედიტების წყალობით, ჩვენს მთავრობას თავის პირობებს კარნახობს.

მრავალი განვითარებული ქვეყანა - დიდი ბრიტანეთი, გერმანია, სამხრეთ კორეა, ფინეთი - უნივერსალურ ელექტრონულ ბარათზე უარს ამბობს. პიროვნების მაკონტროლებელი ელექტრონული დოკუმენტების წინააღმდეგ გამოდიან საბერძნეთშიც სადაც, მოქალაქეთა უფლება უარი თქვან საიდენტიფიკაციო ნომრებზე, სოციალურ ელექტრონულ ბარათებსა და ინფორმაციის სხვა უკონტაქტო ელექტრონულ მატარებლიან დოკუმენტებზე,  საკანონმდებლო აქტით იქნა განმტკიცებული.  

რუსეთში, უნივერსალური ელექტრონული ბარათის მიღებისა და გამოყენების უარყოფაზე, საზოგადოებამ ასევე მიაღწია მოქალაქეთა უფლების საკანონმდებლო უზრუნველყოფას.

ასევე  უნდა ვიცოდეთ, რომ მონაცემთა ელექტრონულ ბაზაში შეტანილი ყოველი ცნობა ადვილად ხელმისაწვდომია კრიმინალური ელემენტებისთვის. მითუმეტეს, რომ უახლოეს მომავალში უნაღდო ანგარიშსწორების სისტემაზე გადასვლაა დაგეგმილი, სადაც მოქალაქეთა მთელი სახსრები მოექცევა მისთვის უცნობი და უცხო ადამიანების ხელში.

მაგრამ ეს ყოველივე ჯერ კიდევ წინასწარი ეტაპია. როგორც უცხოეთის გამოცდილება აჩვენებს, ამ სისტემის განვითარების მომდევნო და მთავარი ეტაპი იქნება მიკროჩიპების ჩანერგვა კანქვეშ(რომელიც გააერთიანებს ელექტრონულ პასპორტს, საკრედიტო ბარათს და ა. შ.).

ამერიკის კონტინენტის სამხრეთ და ჩრდილოეთ ნაწილებში უკვე დიდი ხანია ადამიანთა კანქვეშა ჩიპების იმპლანტაციის პროცესი მიმდინარეობს. ტერორიზმთან ბრძოლისა და სამედიცინო უსაფრთხოების მომიზეზებით, აშშ-ს მოსახლეობის მიკროჩიპებით იმპლანტაციის საკითხი გამუდმებით ლობირებს ეროვნულ კონგრესში. პირველ ეტაპზე ჩიპირება ჩაუტარდებათ მოხალისეებს, მეორე ეტაპზე, როგორც ეს ფრანკლინის ცენტრის ერთ ერთ ცნობაშია ნათქვამი, "პროცედურასთან და უპირატესობებთან გაცნობის შემდეგ, შესაძლებელი იქნება დაიწყოს სავალდებულო იმპლანტაციის პროცესი".

საზოგადოების მართვაზე მას გააჩნია კოლოსალური ზეგავლენა და აბსოლუტურად უგულებელყოფს ადამიანის ელემენტარულ უფლებებსაც კი, რადგან ჩიპი დისტანციურია და მისი მართვა გარეშე პირთა მიერ არის შესაძლებელი.

მიკროჩიპისთვის საკმარისია შეინახოს მხოლოდ საიდენტიფიკაციო ნომერი - ყველა დანარჩენი ცნობა, რომელიც მასთან იქნება დაკავშირებული, მყისიერ ამოტივტივდება მონაცემთა ბაზიდან. მონაცემთა ყველა ბაზაში (არა მარტო საგადასახადოში) ციფრული იდენტიფიკატორი უკვე ცვლის ადამიანის სახელს (სახელი, გვარი და მამის სახელი) მისი ნომრით. ამიტომაც, მართლმადიდებელი ქრისტეანები აგერ მეორე ათწლეულია ცდილობენ დაიცვან თავიანთი კონსტიტუციური უფლება იცხოვრონ პიროვნების დამადასტურებელი ყოველგვარი ციფრული თუ ელექტრონული იდენტიფიკატორების გარეშე.

კაცობრიობის მთელი ისტორია აღწერილია წმიდა წერილში, ამიტომ, მართებულად რომ გავერკვეთ მიმდინარე პროცესებში, დროის ნიშნები ამ წიგნს უნდა შევადაროთ. ბიბლიის ბოლო წიგნი "იოანეს გამოცხადება", ანუ "აპოკალიფსისი" აშკარად უთითებს დღეს მიმდინარე მოვლენებს: "და აიძულებს ყველას, დიდსა თუ მცირეს, მდიდარსა თუ ღარიბს, მონასა თუ თავისუფალს, ნიშანი დაისვან მარჯვენა ხელსა თუ შუბლზე. ასე რომ, ვერავინ იყიდის ან გაყიდის რამეს, მათ გარდა, ვისაც აქვს ნიშანი - მხეცის სახელი, ან მისი სახელის რიცხვი. აქაა სიბრძნე; ვისაც გაგების თავი აქვს, გამოითვალოს მხეცის რიცხვი, რადგანაც ესაა რიცხვი კაცისა, და მისი რიცხვი - ექვსას სამოცდაექვსი" (გამოცხ. 13:16-18).

მოცემული აღწერილობის თანახმად, შეიძლება გამოვყოთ ანტიქრისტეს გამოსახულების (ბეჭდის) შემდეგი ნიშნები:

1) საყოველთაოობა ("აიძულებს ყველას, დიდსა თუ მცირეს, მდიდარსა თუ ღარიბს, მონასა თუ თავისუფალს");

2) სხეულზე მიღება (მარჯვენა ხელზე ან შუბლზე) ("ნიშანი დაისვან მარჯვენა ხელსა თუ შუბლზე");

3) სავალდებულობა სავაჭრო ოპერაციების განხორციელებისას ("ვერავინ იყიდის ან გაყიდის რამეს, მათ გარდა, ვისაც აქვს ნიშანი - მხეცის სახელი, ან მისი სახელის რიცხვი");

4) მხეცის რიცხვით ადამიანის პირადი სახელი შეცვლა ("აქაა სიბრძნე; ვისაც გაგების თავი აქვს, გამოითვალოს მხეცის რიცხვი, რადგანაც ესაა რიცხვი კაცისა").

5) რიცხვ 666-ს უშუალო კავშირი აქვს ანტიქრისტეს ბეჭედთან ("და მისი რიცხვი - ექვსას სამოცდაექვსი").

ამ ნიშნებით დღეს ჩვენთვის შემოთავაზებული პიროვნების იდენტიფიკატორებს თუ გავაანალიზებთ, დავინახავთ, რომ ის სრულიად ექვემდებარება პირველ ოთხ პუნქტს:

1) საყოველთაოობა (საგადასახადო კოდექსი ითვალისწინებს უკრაინის ყველა მოქალაქისადმი იდენტიფიკატორების მინიჭებას 10 თანრიგიანი რიცხვის სახით, რომელიც შეიძლება იყოს გადამხდელის სააღრიცხვო ბარათის ნომერი ან მოქალაქის პასპორტის ნომერი ან სერია, პასპორტის სერიის თითოეული ასოს ორნიშნა რიცხვით შეცვლის გზით (მაგალითად: პასპორტი АА 123456 = 00+00+123456 = 0000123456);

2) ზოგიერთ ქვეყანაში უკვე მიმდინარეობს ადამიანის სხეულის უხილავი დადაღვის (როგორც წესი ეს უხილავი დაღი არის შტრიხ-კოდი ან საიდენტიფიკაციო ნომერი) და ჩიპის ჩანერგვის პროცესი. უკრაინაში მიკროჩიპს ჯერ მხოლოდ დოკუმენტებში ნერგავენ, რაც არ გამორიცხავს მის შემდგომ ჩაკერებას ხელში ან მოქალაქის შუბლში.

3) სავალდებულობა. ვაჭრობის დროს ამგვარი ბარათების გამოყენების სავალდებულობა გათვალისწინებულია უკრაინის საგადასახადო კოდექსის (გვ. 66) და უკრაინის სახელმწიფო საგადასახადო ადმინისტრაციის (ГНА) 17.12.2010 №954 (п. 1, гл. X) ბრძანებულებით.

4) პიროვნების იდენტიფიკატორი ჩაენაცვლება ადამიანის სახელს. პირველ ეტაპზე მხოლოდ ფინანსური ურთიერთობისთვის, შემდგომში კი ადამიანის საქმიანობის ყოველ სფეროში.

5) პიროვნების იდენტიფიკატორი განუყოფელია რიცხვ 666-სგან, რომელიც იდენტიფიკაციის სისტემის საფუძვლად გამოიყენება. სხვა სიტყვებით რომ ვთქვათ, ეს არის მსოფლიო ელექტრონული სისტემის გასაღები ანუ პაროლი.

ამ სისტემის მომავალი განვითარება, რომელიც გამოიხატება მიკროჩიპიანი დოკუმენტების დანერგვაში, და შემდგომში ჩიპების "იმპლანტაციაში" ადამიანის სხეულში, უეჭველად აახლოვებს პიროვნების ციფრულ იდენტიფიკატორს ანტიქრისტეს ხატთან (ანუ მის ბეჭედთან).

ყოველივე ზემოთთქმულიდან გამომდინარე, ყოველმა მართლმადიდებელმა ქრისტეანმა, საკუთარი სულის ცხოვნების სურვილიდან და მისწრაფებიდან გამომდინარე, უნდა გააკეთოს შესაბამისი დასკვნები...