კაცმა დაკარგა ცხენი. მეზობელმა თანაუგრძნო: - "ვწუხვარ ცხენი რომ დაგეკარგა, ალბათ მგლებმა შეჭამეს უკვე".

- "ნუ ჩქარობ, რა იცი რა ხდება" - მიუგო ცხენის პატრონმა.

მეორე დღეს ცხენი დაბრუნდა, ცხენების ფარა გამოიყოლა თან.

- "რა კარგია, გილოცავ გამდიდრებულხარ" - გამოეხმაურა მეზობელი.

- "ნუ ჩქარობ, რა იცი რა ხდება".

მეორე დღეს ცხენის პატრონის ბიჭი მოახტა ცხენს გააჭენა, გადმოვარდა და ფეხი მოიტეხა.

- "რა სამწუხაროა" - გულისტკივილი გამოთქვა მეზობელმა.

- "ნუ წუხხარ, რა იცი რა ხდება" - მიუგო ცხენის პატრონმა.

მეორე დღეს დაიწყო საყოველთაო გაწვევა ომში, ყველა წაიყვანეს ცხენი პატრონის ფეხმოტეხილი შვილის გარდა...

მორალი: რაც ხდება ჩვენ ცხოვრებაში ყველაფერი ჩვენ სასიკეთოდაა, რამეთუ ღმერთმა უკეთ იცის სწორი და მოკლე გზა ჩვენ დასახმარებლად. ნუ ჩაეციკლებით თუ ცუდი ხდება ახლა - "რა იცი რა ხდება" - იქნებ სამყარო ბედნიერებისთვის გამზადებს.