სუყველამ გულზე გვიკბინა, უბეში ვინც ჩაგვისვია.

იქნებ აფსუას ეჭირა ნაპირი შავი ზღვისია.

ანდა ქსანი და ლიახვი ოსების საბრძანისია.

ან ყიზილბაშის სამშობლო, ბოლნისი და დმანისია,

მაშინ დიდგორი რა არი, კრწანისი რა კრწანისია?

არ მოსათმენის მოთმენა ძალიან საძრახისია,

გადაგვავიწყდა ნაომრებს სისხლის გაღების მისია

რომ აქ მხოლოდ ის ვიგუოთ ვინც ჩვენთან ძმობის ღირსია,

რადგანაც მიწა ჩვენ ფეხქვეშ მამა-პაპათა ძვლისია

მისთვის სიკვდილი, კაცებო სიცოცხლის დასაწყისია.

ეპიგრამა.

გმირობას ყველას ნუ მოთხოვ, ნუ მოთხოვ აბჯარს იცვამდეს,

მაგრამ კაცობის მინიმუმს ხომ შეიძლება იცავდეს.

კაცობრიობის ისტორიაში ეს შეფარდება არის მარადი,

ბრძოლას გმირები ეწირებიან და მერე ბოზებს მიყავთ პარადი.