პ ო ე ზ ი ა

ტარიელ ხარხელაური

სასაცილოა, ცხადია!

ვავს ბულბულობა სწადია,
ლომივით ბრდღვინავს მყეფარი,
სასაცილოა, ცხადია,
სასაცილოა, ღმერთმანი!

ვირს რომ ბედაურს ადრიან,
რა ვქნა, ვერ ცნობენ ერთმანეთს?
სასაცილოა, ცხადია,
სასაცილოა, ღმერთმანი!

ტახტზე სისხლის სმით ადიან,
გლეჯენ ერთმანეთს, ფლეთავენ...
სასაცილოა,ცხადია,
სასაცილოა, ღმერთმანი!

ქარს ვეღარ გაუფანტია
ნისლი, ჭალაში შემდგარი,
ლომი ლომია, ცხადია,
მყეფარი არის მყეფარი!..