პ ო ე ზ ი ა

მორის ფოცხიშვილი

ჭიქა საუბარი

ნდობა არ გვქონდა ერთმანეთის,
უბრალო ნდობა, -
და მაინც შევხვდით...
სისულელე ყოფილა მტრობა!

სულ ერთი ჭიქა საუბარი
კმაროდა გზნებით,
რომ ერთმანეთში გვეპოვა ძმები.

დრო დროს ედავა,
ცა გაეხსნა სასურველ სურვილს.
მაინც ერთად ვართ, -
სისულელე ყოფილა შურიც!

რაც იყო, იყო,
გასულია ეპოქა მგლური, -
უნდა იპოვოს გონებამ გული!

ნდობა არ გვქონდა ერთმანეთის,
უბრალო ნდობა.