ოსანა

ოსანა - (ეტიმ. გამოთქმა მომდინარეობს ებრაულიდან hosha’na „გვიხსენ მადლით“, შემდეგ ბერძ. hosanná, ლათ. hosanna) ღმერთის სადიდებელი შეძახილი. სიტყვა-სიტყვით კი ნიშნავს: კურთხეულ არს უფლის სახელით მომავალი ანუ კურთხეულ არს მომავალი სახელითა უფლისათა.

თავდაპირველად შეესატყვისებოდა დახმარების თხოვნას (ფსალ. 118:25), შემდგომში კი სიხარულის გამომხატველი შეძახილის მნიშვნელობა შეიძინა. ჰოსანას შეძახილებით შეეგება ხალხი იერუსალემში დიდებით შესულ იესოს (მათ. 21:9).

ოსანა - "გვიხსენ"! ქრისტიანულ და იუდეველთა ღვთისმსახურებაში: სახოტბო შეძახილი, წამოძახილი (ქართულად შეესატყვისება: დიდება!).